Loja Story Cubes klasikë (botimi i ri) është shumë e thjeshtë në ide, po në fakt është një gjë gjeniale, që do ju çojë me gallatë dhe nga ana tjetër ju bën një stërvitje të fortë për mendjen dhe imagjinatën. Story Cubes janë 9 zara katrorë, të punuar bukur, ku në çdo faqe ke nga një grup të ndryshëm figurash që të shtyjnë të trillosh historitë e tua origjinale! Te kutia bazë gjen zaret me simbole të përgjithshme, që lidhen me jetën e përditshme. Si funksionon? I hedh të gjithë zaret. E nis tregimin tënd me “Na ishte njëherë...” ose, po deshe, “Njëherë e një kohë...”. Pastaj tregon historinë duke u mbështetur te 9 figurat që të dalin në zarë. Fillo nga cilido të duash, më mirë nga ai që të ra i pari në sy. Nuk ka përgjigje të gabuara, i vetmi kufi që ke është imagjinata jote. Zgjohu imagjinata brenda teje dhe lëre të të marrë me vete, dhe tregimet fantastike do të të vijnë vetë në mendje! Mosha: nga 6 vjeç e sipër; Numri minimal i lojtarëve: 1.