Zorro The Chronicles është një lojë aksioni plot gjallëri dhe gaz, me misione sherri e zbulimi, frymëzu me serialin me të njëjtin emër. Këtu futesh në një aventurë të madhe ku hyn mish e kockë në botën e serialit të famshëm të animuar Zorro The Chronicles. Do kesh për detyrë të mbrosh njerëzit e pambrojtur e të pafajshëm nga një gjeneral i keq me gjithë ushtrinë e tij. Duhet vënë drejtësia në Kaliforninë spanjolle të shekullit të 19-të. Mund të luash si Zorro, po edhe si motra e tij Ines. Rrit ujin e aftësive të heronjve tu, duke çelë lëvizje të reja. Nxirr kundërshtarët nga ekuilibri me mjeshtërinë tënde në skermë, çarmatosi me kamxhik a me shpatë dhe bëj marifete që i mbajnë mend! Shmangi goditjet e tyre me akrobaci e reflekse të pabesueshme. Dhe në fund, normalisht, s’mund të ikë pa lënë atë germën “Z” me majën e shpatës! Kalo nëpër 18 nivele dhe zgjidh si do futesh, sipas rastit dhe armikut që ke përballë. Bëhu dinak, zuri në befasi kundërshtarët, kalo vjedhurazi rrotull tyre e shiko mirë zonën përqark, ose dil burrërisht dhe përplasu me ta në përleshje me shpata. Rrugës takon edhe një mori personazhesh me peshë nga seriali i animuar Zorro The Chronicles. Ca do t’i kesh përballë si kundërshtarë të rrezikshëm, ca të tjerë do të rrinë krah teje në luftën për drejtësi.