Me këtë unazë lidhim bashkë dy lente. Vidhosim një unazë me diametër që i rri fiks (atje ku futet filtri) te lenta që është vënë te kamera. Pastaj duhet parë sa është diametri (po tek vendi i filtrit) i lentes së dytë, asaj që duam ta ngjisim me lenten që është te kamera. Kështu lidhen dy lente, e dyta përmbys, domethënë me xhamin e përparmë nga trupi i kamerës. Përdoret për makrofotografi. Shkalla e zmadhimit makro varet nga gjatësia fokale e lenteve që kemi lidhur bashkë. Këtu shitet unazë e re montimi e kundërt nga firma shumë e mirë KIWI. Nuk janë ato kopjet plastike me cilësi të dobët. Unaza është metalike (alumin), cilësi e lartë. Janë bërë nga një aliazh metali i veçantë. Të lehta dhe në të njëjtën kohë rezistente, nuk dëmtohet filetoja, me ngjyrë të zezë, të nxirë posaçërisht kimikisht. Përshtatësit kanë një shtresë mbrojtëse që s’e gërvisht lenten nga vidhosjet dhe heqjet e shpeshta. Te këta përshtatës vlen të thuhet posaçërisht cilësia e lartë dhe puna shumë e saktë.