HTplus është një sistem i plotë tubash dhe pjesësh kanalizimi të brezit të ri, bërë për me ndërtu sistemet e kullimit në shpi dhe të ujërave të shiut brenda godinës. Sistemi HTplus është bërë nga një lloj plastike me formulë të përmirësuar me bazë polipropileni dhe përbërës natyralë, falë së cilës bashkon anët e mira të sistemit HT që është prodhuar deri tani dhe dallohet me disa të reja të dobishme që i rrisin lehtësinë dhe funksionimin e instalimit. Po ashtu, materiali i qëndrueshëm dhe rezistent ndaj të nxehtit nga i cili është bërë sistemi, tregon rezistencë shumë të lartë ndaj ndikimeve të ndryshme, përfshi kimikatet agresive dhe ujërat e zeza në temperatura si të larta, si të ulëta. Përveç kësaj, tubat dhe pjesët i bëjnë ballë rrjedhës afatgjatë të ujit të nxehtë, prandaj përdoren në familje dhe kudo ku derdhen ujërat e zeza me temperaturë të lartë. Sistemi HTplus i plotëson të gjitha kushtet që duhet të ketë një sistem modern eko për ujërat e zeza. Këto pjesë mund t’i futen proceseve të riciklimit që sigurojnë rikthimin 100% të lëndëve të para të përdorura për prodhimin e një sistemi të plotë HTplus. Për më tepër, mbrojtja nga zhurma është një nga anët më të forta të këtij sistemi të ri, ndërsa provat e bëra në Institutin e njohur Fraunhofer në Shtutgart kanë vërtetuar që sistemi HTplus është shumë efektiv në uljen e zhurmës që del nga sistemi i ujërave të zeza.