Një send që s’të rri dot pa të, si për amatorë edhe për ata më profesionistë. Puna e vet kryesore është funksionaliteti, kjo është ana më e fortë e këtij produkti. Nga ana tjetër, Ulanzi ka kohë që përdor materiale me cilësi të lartë, e ka bërë pjesë të filozofisë së vet si markë. Është një trekëmbësh i sotëm, i bërë për vlogera, live transmetues, YouTuber-a, njerëz që hedhin videot e tyre në internet, edhe për këdo që do të bëjë foto a video të hajrit. Puna kryesore e një trekëmbëshi është të ta mbajë kamerën fikse e të qëndrueshme, që të bësh xhirime profesionale. Po të bësh vlogje ose të ngarkosh video në YouTube, kjo vegël është domosdo. Të hyn shumë në punë edhe për festa, ahengje e çdo moment tjetër që duam ta kapim në foto a video. Lartësia më e ulët e mbajtëses është vetëm 10 cm, kur hapet maksimumi i lartësisë shkon 25 cm. Tripodi Ulanzi është i lehtë për t’u marrë me vete. Futet pa problem në xhep, në çantë dore a në çantë shpine. Ata që e kanë menduar, e kanë pasur parasysh mirë ç’i duhet njeriut: na kanë dhënë në një produkt të vetëm një tripod të qëndrueshëm, një kapje të sigurt dhe një bum teleskopik shumë të dobishëm. Kur e palos, tripodi kthehet në një dorezë të formësuar mirë, që ta mban kamerën sigurt, rehat e pa u tundur drejt në dorë, edhe kur kushtet janë goxha të vështira. Tripodi, kur e përdor si dorezë, është i përsosur për të bërë foto dinamike nga dora. Kështu videot dhe fotot dalin më të qeta, më të rrjedhshme dhe më të stabilizuara. Kamerën që e ke montuar mund ta kthesh në çfarëdo këndi të të teket. Po të duam të filmojmë a të bëjmë foto me veten tonë, dhe sa zgjat dora nuk del mjaftueshëm, atëhere monopodi / bumi teleskopik bëhet pjesë kryesore e punës. Bumi të lejon të rregullosh distancën siç duhet, që të fusësh në kornizë gjithë trupin tënd ose dhe disa veta bashkë. Monopodi zgjatet deri në 24.5 cm maksimumi. Mund ta lësh në çfarëdo gjatësie në mes, duke mbajtur prapë qëndrueshmërinë e plotë të mbajtëses.