Pllaka amë ProArt Z890-CREATOR WIFI i jep mundësi çdo lloj krijuesi, nga më fillestari te më i zhyturi në punë, t’i nxjerrë maksimumin proçesorit më të fundit Intel® Core™ Ultra (seria 2). Ka 16+1+2+2 faza furnizimi me energji, banka DDR5, PCIe® 5.0 dhe gjithë ato lidhjet e shpejta rrufe, si lidhje e dyfishtë në rrjet rrufe, porta të dyfishta 2.5G dhe Thunderbolt™, plus WiFi 7. Kjo pllakë e ka gjithë pamjen profesionale, gjithë në rregull dhe të saktë për krijues përmbajtjesh nga çdo lloj fushe, me një stil elegant: e zezë ton-mbi-ton me thekse ari metalik. Mburoja e I/O-së është bërë hollë e me mend, që nga jashtë duket elegante dhe e rafinuar, ndërsa brenda fshihen lidhëset e cilësisë më të lartë. Futesh kokë e këmbë te krijimet e tua me dy porta Thunderbolt™ 5 dhe një portë Thunderbolt™ 4, ku lidh të gjitha pajisjet e tua të krijimit të përmbajtjes që janë të përputhshme, dhe shfrytëzon gjerësinë e brezit dydrejtim deri në 80 Gbps, e deri në 120 Gbps me Boost Bandwidth. Që ta zgjerosh akoma më shumë rrjedhën e punës tënde krijuese, me vetëm një monitor 8K ose dy monitorë 4K me ngjyra të sakta, mund ta lidhësh kartën tënde grafike diskrete me portën e integruar DisplayPort™ In te paneli i pasëm i I/O-së, dhe daljen e videos ta nxjerrësh nga porta Thunderbolt™ 5. Dy portat Ethernet punojnë njëkohësisht, njëra të jep 2.5G shpejtësi për dërgime ose transmetim në internet, tjetra 10G për ruajtje në rrjetin lokal (NAS), që kështu të mbash të dhënat e tua të sistemuara dhe të sigurta. WiFi 7, që është gjenerata e re fare, është deri në 4.8 herë më i shpejtë se WiFi 6 i zakonshëm, falë gjërave si kanalet 320 MHz në brezin 6 GHz dhe 4K QAM. Multi-Link Operation (MLO) ta bën lidhjen WiFi më të qëndrueshme, me vonesë më të ulët, dhe të hap një fushë të re në lojëra, streaming dhe IoT industriale. Dy transmetuesit mbulojnë brezat 2.4, 5 dhe 6 GHz për qarkullim më të shpejtë, dhe ndjeshmëria e drejtimit ta përmirëson cilësinë e sinjalit dhe sjell mbulim në distanca më të gjata. Pllaka amë ProArt Z890-CREATOR WIFI vjen me një slot PCIe 5.0 M.2 dhe katër slota PCIe 4.0 M.2, që të japin transferime super të shpejta të të dhënave deri në 128 Gbps. Të gjitha slotet M.2 mbështesin konfigurime NVMe RAID, që të shfrytëzosh deri në fund shpejtësitë më të reja që ka sot. Të dyja foletë e zgjerimit x16 janë PCIe 5.0, kështu që pajisjet që e mbështesin marin shpejtësi deri në 64 GB/s. Që të mbajnë peshën e kartave grafike të mëdha, foletë janë të mbrojtura me kllapat SafeSlot, dhe folja e sipërme lirohet shumë kollaj me Q-Release Slim. Me Thunderbolt™ Share ke një mënyrë krejt ndryshe për të punuar me dy kompjutera njëherësh: është një lidhje shumë e shpejtë që ta kthen gjithë konfigurimin me dy PC në një sistem të vetëm. Ndan ekranet, tastierat, miun, hapësirën e ruajtjes dhe skedarët mes dy kompjuterëve pa asnjë siklet, me shpejtësinë që jep Thunderbolt™. E menduar që në fillim për proçesorë me shumë bërthama, pllaka ProArt Z890-CREATOR WIFI ka 16(90A)+1(90A)+2(90A)+2(80A) stade energjie, ku janë bashkuar MOSFET-ët dhe drejtuesit e anës së sipërme dhe të poshtme në paketa që shkojnë deri në 90 ampere. Ky konfigurim i jep proçesorëve të rinj Intel® Core™ Ultra (seria 2) shpërndarje ideale energjie, efikasitet, stabilitet dhe performancë.
