Harro çfarë di për lojrat edhe futu në një botë me eksplorime e aventura me The Legend of Zelda: Breath of the Wild, një lojë që e kthen përmbys mënyrën si ka qenë kjo seri e njohur der’ sot. Do kalosh lugina, do hipësh nëpër pyje edhe do pushtosh majat e maleve, teksa shetisësh mes rrënojave të mbretërisë së Hyrule, në një aventurë në botë të hapur, në tokë edhe në ajër. Gjatë rrugës do ndeshesh me armiq gjigandë, do gjuash edhe do mbledhësh përbërës që duhen për të gatuar ushqime ose ilaçe, që të ndihmojnë t’u shpëtosh të gjitha terslëqeve. Rrobat e trasha të duhen për majat me borë, po në shkretëtirë më mirë vishu hollë; disa rroba madje kanë edhe efekte të veçanta, që të lejojnë të lëvizësh më shpejt ose më në heshtje. Bota e lojës është plot me lloj-lloj bishash, nga më të ndryshmet, në çdo formë e madhësi.