Kur është në bark, bebi kap kordonin e kërthizës, edhe këto tentakulat e oktapodit ja kujtojnë atë. Kur i vë një oktapod të tillë pranë bebit tënd, ai ndjehet më afër, sikur i vjen ndër mend ai vendi ku ka bërë 9 muajt deri tani. Para se t’ia japësh bebit oktapodin, fërkoje një çikë në lëkurë, edhe kështu i vogli yt, kur ta mbajë oktapodin në krahë, do ndjejë sikur e ka mamin gjithë kohës afër. Bebet në fillim s’i dallojnë ngjyrat. Ledhatoja sytë bebit, jo të tutë. Zgjidh lodra bardh e zi. Lodrat e para të bebit tënd duhet të jenë kryesisht për me i ngacmuar sytë. Ngjyrat e buta pastel, ca nuanca rozë a fytyra të vogla të buzëqeshura kafshësh shtëpie, bebit s’kanë për t’i bërë fare përshtypje. Pse? Thjesht s’i sheh akoma! Një kombinim i thjeshtë bardh e zi është e vetmja gjë që një i porsalindur mund të kapë me sy në këtë fazë të jetës. Zgjidh lodra kontrast bardh e zi me figura gjeometrike të thjeshta.