“The Dark Tower 5: Wolves of the Calla” i Stephen King vazhdon atë sagën e madhe të Kullës së Errët, ku Roland-i me ka-tet e vet shkojnë te një qytet i humbur, Calla Bryn Sturgis. Njerëzit e atij vendi rrojnë në hall e në frikë nga “Ujqërit”, ca krijesa t’çuditshme me maska ujqish që çdo njëzet e ca vjet u bien sipër dhe u rrëmbejnë kalamajt. Kur kalamajt kthehen pas atyre riteve të errëta, s’janë më ata që kanë qenë: të thyer në mendje dhe përgjithmonë të ndryshuar. Romani i përzien horrorin me fantazinë dhe ca nga bota western, edhe merret me sakrificën, frikën që kap gjithë fshatin bashkë dhe trimërinë për t’u përballur me një të keqe që s’merret vesh dot ç’është. I bie fijes për ata lexues që po çojnë përpara serinë “The Dark Tower” ose duan një histori të rëndë, me tension dhe errësirë, me botë të pasur dhe personazhe të ndërlikuar.