“Sobibór Revolt” është një libër që tregon me hollësi kryengritjen e të burgosurve hebrenj në kampin e shfarosjes Sobibór dhe iluzionin mashtrues që nazistët kishin sajuar për të fshehur ç’po ndodhte me vrasjet masive. Autori përshkruan si të burgosurit nuk mbanin ato rrobat me vija, kishin mundësi të laheshin e të ndërroheshin, edhe si hyrja e kampit ishte zbukuruar me lule e me ca shpi me çati të kuqe që të mos ngjallte dyshime tek ata që sapo mbërrinin. Në qendër të librit është organizimi i revoltës, si u bë plani për vrasjen e oficerëve të SS‑së dhe rojeve ukrainase, edhe ajo përpjekja dramatike për t’u arratisur mes telave dhe fushës me mina. Rrëfimi nuk tregon vetëm egërsinë e sistemit nazist, po edhe guximin e kokëfortësinë e atyre që vendosën të ngriheshin, duke ndjekur më pas fatin e të mbijetuarve që arritën të fshiheshin a t’u bashkoheshin partizanëve. Ky libër u shkon atyre që janë të interesuar për historinë e Holokaustit, rezistencën dhe dëshmitë e vërteta të të mbijetuarve.