“Manufacturers of Automobile Bodies in the Second Polish Republic” është një libër studimor, me plot ilustrime, ku tregohet si u zhvilluan karroceritë e makinave në Poloni, në kohën mes dy luftërave botërore. Libri fillon me sfondin historik të industrisë së karrocerive në botë deri te Lufta e Dytë Botërore, pastaj merret më hollë me uzinat kryesore si “Brzeskiauto”, Plage i Laśkiewicz, CWS/PZInż. dhe prodhues të tjerë në II Rzeczpospolita dhe në Qytetin e Lirë të Gdańskut. Autori tregon se në ç’rrethana u ngritën këto uzina, ç’fazash kaloi zhvillimi i tyre dhe ç’program prodhimi patën, duke sjellë edhe të dhëna të mbledhura nga arkivat dhe nga shtypi i asaj kohe. Me një tufë fotosh dhe dokumentesh që botohen për herë të parë, libri vlen si për dashamirësit e makinave të vjetra dhe të motorizimit polak, ashtu edhe për këdo që ka qejf historinë ekonomike të periudhës së II Rzeczpospolita-s.