“Finalist” i Anna Jankos është një roman shumë i afërt, intim dhe paksa ngacmues, për Hanka M., një shkrimtare në moshë të pjekur, që po merret me të shkuarën e vet të vështirë, me lidhjet që i kanë shkuar dëm dhe me “orën biologjike” që i bie. Ajo i kthehet një dashurie të vjetër dhe përpiqet sikur ta rishkruajë veten, para se të vijë fundi i jetës, duke hedhur në letër një ditar të sajin plot autoironi, revoltë dhe ndjeshmëri. Libri flet për frikën nga plakja, për dëshirën me e kuptuar jetën përpara se të mbarojë dhe për atë nevojën kokëfortë, për të mos dalë kurrë nga “rruga”, sado kthesa të forta që të ketë. Kjo vepër shënon kthimin e shumëpritur të Hankës, heroinës së romaneve të njohur “Vajza me shkrepsa” dhe “Pasioni sipas Shën Hankës”, dhe sjell një prozë të thellë që i flet brezit të mesëm e atij më të madh, por edhe lexuesve më të rinj që kërkojnë letërsi që të çon në mendime. “Finalist” është një histori për t’u rilexuar, që e trajton me guxim kalimin e kohës, dashurinë dhe identitetin personal.