“They Called Us the Rabbits of Ravensbrück” është një libër kujtimesh shumë i rëndë, që tregon ç’kanë hequr 74 gra polake në kampin e përqendrimit Ravensbrück, mbi të cilat mjekët nazistë bënin eksperimente mjekësore pa mëshirë. Me zërat e vetë atyre që shpëtuan gjallë, libri tregon operacionet me zor në këmbë, infektimet që u bënin me qëllim dhe ndërhyrjet në muskuj, kocka e nerva, të gjitha në emër të “kërkimit shkencor”. Këto rrëfime tregojnë jo vetëm dhimbjen në trup dhe prapësitë në shëndet që u mbetën për gjithë jetën, po edhe vendosmërinë, lidhjen mes të burgosurave dhe përpjekjen e tyre për të dalë gjallë. Ky libër është një dëshmi e rrallë historike për krimet e mjekësisë naziste dhe një kujtesë e domosdoshme se çfarë pasojash çnjerëzore sjellin ideologjitë totalitare.