“Short History of Myth” e Karen Armstrong është një libër i shkurtër po goxha i ngjeshur, ku ajo flet për rolin që kanë pasur dhe kanë mitet në jetën e njerëzve, që nga koha e paleolitit e deri tek koha e sotme. Autorja, që njihet për studimet e saj për fenë dhe për bisedat mes feve të ndryshme, tregon si mitet na kanë shërbyer si tregime për të kuptuar fatin e njeriut dhe për t’u përballur me ndryshimet e mëdha në jetë. Ajo vë mitin përballë logjikës moderne, kësaj mënyrës sonë të sotme më të ftohtë dhe racionale, dhe tregon çfarë humbasim kur e heqim mitin nga kultura jonë. Libri është shkruar thjesht dhe me shembuj, i përshtatshëm si për ata që janë të interesuar për fenë, ashtu edhe për ata që duan të kuptojnë më mirë historinë e ideve. Është një lexim i shkurtër, po që të orienton mirë, për këdo që do të fusë sërish dimensionin simbolik dhe shpirtëror në mënyrën si e kupton botën.