Libri “Mental Health Protection. Commentary Ed.2”, botim i Wolters Kluwer i vitit 2023, është një komentim i gjatë juridik për ligjin polak për mbrojtjen e shëndetit mendor. Në të futen hollë-hollë nenet për mbrojtjen e personave të sëmurë dhe të drejtat e tyre, trajtimin e detyrueshëm, kushtet kur pranohen në spital psikiatrik ose në shpi përkujdesjeje shoqërore dhe çfarë prosedurash ndiqen para gjykatës së kujdestarisë. Një pjesë e madhe i është vënë dhe ruajtjes së sekretit për të dhënat mbi gjendjen shëndetësore dhe si ecën trajtimi, duke u mbështetur te praktika gjyqësore polake dhe te vendimet e Gjykatës Evropiane të të Drejtave të Njeriut. Autorët merren gjithashtu me pyetje praktike që kanë ngritur Policia dhe mjekët për përdorimin e masave të detyrimit. Ky volum i trashë me 1144 faqe u hyn shumë në punë gjyqtarëve, prokurorëve, avokatëve, këshilltarëve ligjorë dhe njerëzve të universiteteve, por është i dobishëm dhe për mjekë psikiatër, psikologë klinikë, seksologë dhe drejtues institucionesh psikiatrike.