Komunikimi ka goxha peshë në çdo marrëdhënie midis njerëzve, në pjesë të ndryshme të jetës së tyre shoqërore edhe të punës. Aftësia me përcjell informacionin me fjalë edhe pa fjalë është e rëndësishme si për ata që janë menaxherë, negociatorë, punëtorë ekipi, po edhe për njerëz që s’kanë lidhje fare me këto punë. Aftësitë e komunikimit midis njerëzve janë po aq me rëndësi në botën e sistemeve të informacionit sa aftësitë teknike edhe eksperienca në biznes. Ky libër, i shkruar thjesht edhe që merret vesh kollaj, është mendu për këdo që merret përditë me klientin edhe me tregun. Ky treg tregohet me shembullin e një firme të caktuar që merret me shitjen e sistemeve IT. Autori i librit, Tony Warner, tregon modelet e komunikimit edhe si përdoren ato kur punohet në grup a në mbledhje. Ai nxjerr shumë sekrete të komunikimit midis partnerëve, tregon sa me rëndësi është komunikimi te negociatat (sidomos në fillim të negociatave, te formulimi i argumenteve), ç’a aftësish duhen në procesin e negociatave, po edhe ç’a taktika e metoda duhen për me arrit një marrëveshje që t’i bëjë të dyja palët të kënaqura. Kush ka interes, gjen aty edhe këshilla të vlefshme për të folur para publikut, për si zhvillohen muhabetet edhe si bëhet si duhet një intervistë.