Kjo karrocë i ka të gjitha ç’të duhet që të lëvizësh kollaj nëpër qytet a të bësh xhiro më të gjata. Ka pamje ndryshe, është shumë komode, ka edhe hapësirë shtesë për gjërat që do marrësh me vete, plus ca zgjidhje të zgjuara – të gjitha bashkë do të bëjnë ta përdorësh me qejf sa herë del nëpër aventura të reja. Zgjidh stilin tënd dhe provo një karrocë për kalamaj, me një dizajn që të kënaq syrin dhe me funksione që s’të lënë në baltë. Karroca përdoret lehtësisht me një dorë. Ka rrota që sillen bukur e pa zhurmë, që shëtitjet t’i bëjnë akoma më të këndshme. Peshon vetëm 6,7 kg dhe paloset lehtë në një përmasë sa bagazhi i dorës që e pranon shumica e linjave ajrore. E vogël edhe e lehtë, po ama është shumë e fortë (mban deri në 22 kg). Çanta e shpinës Stow & Go futet tamam në shportën poshtë ulses. Kur do ta palosësh karrocën dhe të marrësh me vete gjërat e nevojshme, thjesht nxirr çantën e shpinës nga koshi. Edhe u bë! Pa rimpaketim dhe pa qese të tjera. Çantën e shpinës mund ta lidhësh te bagazhi yt i dorës. Pëlhurat janë bërë nga shishe PET të ricikluara dhe detajet janë prej lëkure vegane. Shpina dhe mbajtësja e këmbëve rregullohen pothuajse krejt horizontal, në pozicion gjumi. Mbulesa prej pëlhure me UPF 50+ e mbron kalamanë nga rrezet e dëmshme. Karroca i ka kaluar të gjitha provat e nevojshme dhe është e përshtatshme edhe për të sapolindur (kur kalamani transportohet në një ndenjëse makine që fiksohet te karroca). Rripat e sigurimit mund t’i vësh në tre lartësi të ndryshme.