Përdor çdo mundësi karikimi që jep përshtatësi AC. Ky lloj karikuesi të le që ta lidhësh pajisjen edhe në ndonjë vend të ngushtë, ku të kap shansi. Fuqia e karikuesit të ri duhet të jetë më e madhe a njësoj me atë të karikuesit origjinal. Nëse fuqia është shumë e ulët, pajisja mund të mos punojë siç duhet, madje mund të fiket kur e ke në punë me ngarkesë të madhe. Kur zgjedh një karikues të ri për pajisjen tënde, shih mirë tensionin e duhur. Tensioni shumë i ulët s’e lë pajisjen të karikohet siç duhet, tensioni shumë i lartë mund të të djegë harduerin. Mundoju gjithmonë të marrësh një përshtatës energjie me të njëjtin tension si karikuesi origjinal. Diferenca që lejohet mund të jetë diku te 1V. Amperazhi është rryma maksimale që mund të japë karikuesi. Niveli i rrymës te karikuesi që zgjedh duhet të jetë më i madh a njësoj me atë të karikuesit origjinal. Vlera e amperazhit ndikon te koha sa shpejt do të karikohet pajisja jote. Sa më i lartë të jetë, aq më e shkurtër është koha e karikimit. Po ama, mbaj parasysh që rryma shumë e lartë mund ta mbinxehë baterinë dhe t’i shkurtojë jetën.