Ky disku gërryes i AWTools-it është bo nga një leckë gërryese shumë e mirë, me kokrra zmerili të hedhura njëtrajtësisht mbi trupin prej fibre qelqi. Është i lehtë, kështu që puna me të s’të rëndon dhe s’të duhet shumë forcë kur shtyp. Me të mund të rregullosh e të formosh sipërfaqen që po punon dhe, ngaqë është disi fleksibël dhe ka një gamë të gjerë grimcimi të kokrrave gërryese, përdoret në çdo fazë të përpunimit, nga heqja e parë e tepërtave deri te gërryerja përfundimtare. Këto lloj diskash gërryejnë çelik të zakonshëm, çelik inox, po edhe materiale më të buta si alumini, plastika ose druri. Përdoren shumë, për shembull, për gërryerjen e skajeve, heqjen e ndryshkut ose bojës dhe plot punë të tjera që lidhen me mbarimin e sipërfaqes. Diametri i jashtëm është 125 mm, i brendshmi 22 mm, trashësia 8 mm. Shpejtësia maksimale e rrotullimit është 12.200 rpm. Fortësia është P, pra mesatarisht i fortë.