Ky çelës universal, 300 mm i gjatë, se ka nofullën e sipërme lëvizëse, të le jon vetiu t’i rregullosh përmasat e pjesës që do çvidhosësh. Nga mënyra si është bërë, punon në interval nga 16 mm gjer në 38 mm. Kështu, çelësi me rregullim të shpejtë YATO të zevendëson fare bukur një set të tërë çelësash të hapur dhe të rregullueshëm, edhe për nga leku që do harxhoje për t’i blerë, edhe për nga vendi që të duhej për t’i mbajtur. Nofulla e sipërme, e bërë si grep, bashkë me nofullën e poshtme të harkuar, mbajnë tre pika kapjeje me pjesën që po liron. Kjo të lejon të punosh me tuba dhe me çdo lloj lidhjeje me vidë, si dado edhe valvula. Nofullat, 14 mm të gjera, janë prej çeliku karboni shumë të fortë. Kanë edhe dhëmbë të forcuar, me fortësi 46–52 HRC. Nga forma e tyre e posaçme, sa më shumë shtyp çelësin, aq më fort kafshojnë te materiali, rrisin kapjen dhe nuk lejojnë të rrëshqasë. Veç kësaj, nofullat kanë strukturë me disa shtresa, që është shumë më e qëndrueshme se ato të derdhurat njësh. Çelësi me rregullim të shpejtë YATO mund të përdoret kollaj me një dorë. Meqë ka sustë të brendshme, nofulla e sipërme e rregullon vetë hapjen, sipas madhësisë së pjesës që po kap. Për ta liruar çelësin, mjafton ta shtypësh poshtë, dhe nofulla hapet. Kjo mënyrë pune i jep atij që punon mundësi ta përdorë lirshëm dorën tjetër dhe i shpejton punët goxha. Doreza ergonomike është prej ABS-i dhe TPR-je jo të rrëshqitshme, që ta bën punën më të rehatuar. Për më tepër, në dorezë ka një vrimë, ku mund ta varësh çelësin në një grep në punishte.