Blloqet Korbo janë bërë mbi idenë: Mendo, ndërto, kthe. Ajo që e veçon Korbo-n nga shumica e blloqeve të tjerë të ndërtimit është rrota me ingranazhe – pjesa që i bën ndërtimet që ngre kalamaja të marrin jetë. Kur kombinon pjesët një nga një dhe bën lloj-lloj strukturash, kjo e shtyn kalamanë të mendojë me llogjikë, i mëson durim e përpikmëri, e shtyn të kapërcejë vështirësitë dhe të kërkojë zgjidhje jo si gjithë të tjerët. Me lojën me blloqe, kalamajt më të vegjël mësojnë të dallojnë dhe t’ju vënë emër ngjyrave dhe formave, po edhe rregullat si renditen dhe si ndahen në grupe. Ndërsa “ustallarët” më të rritur kanë mundësi të mësojnë parimet bazë të mekanikës dhe fizikës. Blloqet Korbo dalin në disa komplete (grupe) që ndryshojnë nga njëri-tjetri nga numri i pjesëve dhe ngjyrat. Setet vijnë me udhëzime të qarta, me figura, që janë një ide shumë e mirë se si mund të luash me blloqet Korbo.